Þjónusta

Hamingjuhúsið býður námskeið, fyrirlestra, handleiðslu, þjálfun, markþjálfun og ýmis konar sérsniðnar heildarlausnir fyrir fyrirtæki, stofnanir, félög, klúbba og einstaklinga.

Við bjóðum reynda sérfræðinga á eftirfarandi sviðum:

  1. Mindfulness 
    Attitude2_shutterstock_61764829_minni
  2. Húmor
  3. Jákvæð sálfræði
  4. Leiðtogaþjálfun
  5. Markþjálfun
  6. Heildrænar heilsulausnir
  7. Líkamsrækt
  8. Gleðidans
  9. Hópefli
  10. Hláturjóga
  11. Styrkleikavinna
  12. Trommuflæði

Jákvæð sálfræði – hamingjufræði

Ný afstaða og orðræða

Jákvæð sálfræði er ný fræðigrein sem kynnir til sögunnar hið svo kallaða „heilbrigðistmódelið“ sem er mótvægi við „sjúkdómsmódelið“, sem hefur verið allsráðandi á vesturlöndum.  Þetta er í raun ný afstaða og orðræða, þar sem athyglinni er beint að styrkleikum, jákvæðum tilfinningum, heilbrigði og hamingju, í stað þess að horfa til þess sem aflaga fer eða gæti farið sbr. frávik, forvarnir, sérþarfir og greiningar á vandamálum og sjúkdómum.  Rannsóknir á sviði jákvæðrar sálfræði beina athyglinni að því sem er í lagi og sem má verða til að auka vellíðan og hamingju fólks í lífi og starfi.

Það sýnir sig að áhersla á styrkleika gefur betri raun en áhersla á veikleika, að afstaða og hugarfar skiptir sköpum fyrir líðan og hamingju fólks, að hamingja er að litlu eða engu leiti háð ytri aðstæðum, að einstaklingar geti hæglega aukið hamingju sína og styrkt hamingjusvæðin í heilanum.

„Hamingjan er merking og tilgangur lífsins, og takmark mannlegrar tilveru.“
                                                                                                                                     Aristóteles

Samkvæmt jákvæðri sálfræði er hamingjan „alsherjar upplifun ánægju og merkingar“.  Ánægja er að upplifa jákvæðar tilfinningar hér og nú og njóta líðandi stundar. Merking er að finna tilgang og njóta góðs af gerðum okkar í nútíð og framtíð.

Hamingjufræðin

Hamingjufræðin fjalla um líðan og hamingju venjulegs fólks í daglegu lífi en viðfangsefni þeirra eru t.d. sjálfsmynd, sambönd, heilbrigði, farsæld, vellíðan, flæði og ástríða.  Áhersla er lögð á afla gagna sem nýtast almenningi, hagnýt fræði sem gagnast venjulegu fólki til að bæta lífi sitt og líðan.

Sjálfsþekking og sjálfsábyrgð 

„Know thyself“ sagði Sókrates á sínum tíma og það sýnir sig í seinni tíma rannsóknum að sjálfsþekking er mikilvæg forsenda hamingjunnar.  Það eru nefnilega ekki ytri aðstæður sem ráða því hvernig okkur líður heldur okkar innri maður.  Persónulegir þættir eins og afstaða okkar og hugarfar skiptir sköpum fyrir líðan okkar.  Það er því gott til þess að vita að við getum endurskoðað afstöðu okkar og hugarfar, öðlast hugarró og sátt.

Hugarstjórn og núvitund (Mindfulness)

Mindfulness merkir að vera í tengslum við sjálfan sig (be present) og með meðvitund (avareness) um hugarfar sitt og líðan, og upplifa það sem er að gerast á meðan það er að gerast. Mindfulness er í raun aðferð eða æfingakerfi sem miðar að hugarró, einbeitingu, vellíðan og sátt.  Samkvæmt rannsóknum er ávinningurinn minni streitu og kvíða, betri heilsu og öflugra ónæmiskerfið, og geta til að njóta líðandi stundar, styrkja jákvæðnisvæðin í heilanum.

Eftirfarandi 10 hamingjuráð eru kynnt í bókinni „Meiri hamingja“ (Happier) eftir Dr. Tal Ben-Shahar, sem byggir á rannsóknum jákvæðrar sálfræði:

  1. Núvitund – sjálfsvitund:  Er leið til að kyrra hugann og kynnast sjálfum sér.  Núvitund miðlar afstöðu sáttar og vinsemdar í eigin garð og annarra.  Núvitund vinnur gegn streitu, pirringi og verkjum og styrkir ónæmiskerfið og jákvæðnisvæðin í heilanum.
  2. Þakklæti breytir hugarfarinu: Það er hægt að stilla hugann inn á jákvæðar bylgjulengdir og beina athyglinni að því sem er í lagi og er jákvætt og gott í lífi okkar.  Það gefur góða raun að skrá hjá sér 5 atriði á dag sem þakka má fyrir.
  3. Góðar venjur – fastir siðir:  Góðar venjur veita sjálfsvirðingu og frelsi. Venjur þurfa að grundvallast á djúpstæðum gildum. Við þurfum að skilgreina ákveðna hegðun og fastsetja stað og stund. Það tekur 21 dag að tileinka sér nýja venju.
  4. Lærðu að mistakast – annars mistekst þér að læra: Mikilvægt er að taka áhættu og óttast ekki mistök.  Við lærðum að ganga með því að gera margar misheppnaðar tilraunir.
  5. Ekki fresta hamingjunni:  Forgangsraðaðu því sem vekur góðar tilfinningar.  Góð tengsl,  skemmtun, gleði og hlátur gerir okkur gott í nútíð og framtíð.  Veldu þér félagsskap, tónlist, umhverfi og viðfangsefni sem vekja hjá þér vellíðan.
  6. Minna er meira:  Ekki gera margt í einu heldur njóttu þess sem þú gerir með fullri athygli.
  7. Hreyfing er eðlileg: Að hreyfa sig ekki er ávísun á heilsuvanda. Gerðu hreyfingu að daglegri venju og finndu hreyfingu sem þér finnst skemmtileg.
  8. Leyfðu þér að vera mannleg(ur): Það er mikilvægt að gangast við sárum tilfinningum eins og ótta, sorg, öfund og reiði.  Streðið við halda slíkum tilfinningum í skefjum veldur mestri þjáningu og kallar á flóttaleiðir og fíknir.  Mikilvægt er að tjá sárar tilfnningar í tali eða skrifum.
  9. Heilindi og gildi:  Það er mikilvægt að þekkja gildin sín og haga sér samkvæmt þeim. Heilsteypt manneskja lætur orð og gjörðir fylgjast að.  Hrein samviska eflir sjálfsvirðingu okkar.
  10. Að gefa af sér: Þeir sem eru hamingjusamir eiga það sameiginlegt að eiga auðvelt með að leggja gott til annarra. Hugarfarið verður jákvæðara við það að beina athyglinni frá eigin þörfum og vera vakandi fyrir því sem maður getur lagt af mörkum t.d. að tína rusl af gangstéttinni og gera öðrum gott án þess að vænta neins á móti.

Nánari upplýsingar hér

css.php